Translate

【吃喝】初嚐磯燒海鮮盛 @岩鹽日本料理

星期五, 8月 18, 2017 0 Comments A+ a-

▲朋友中意周圍走試新菜,而我亦係一位吃得之人,有日就同左佢黎呢間岩鹽日本料理食飯,
佢話想試下磯燒,而我亦係第一次食日式磯燒~

▲最近新開既一間日式餐廳,一入黎已經見到生猛又大隻既海鮮,同朋友達成一致共識,今晚一於食佢!

▲餐牌有圖有真相,大部份日式料理都有,特別在於有磯燒同釜飯,釜飯唔係到到都食到,而今次我亦都嗌左一試。

▲比起刺身我更中意食壽司,嗌左深海魚、比目魚、油甘魚等壽司, 
食落去意外地驚喜,魚既口感有韌又軟,而驚喜既係大部份都冇乜腥味, 
容易入口,又會溶化係口中,鮮香不錯~

▲之後就到我地既戲肉海鮮磯燒,今次磯燒會有專人幫手燒,
可以坐埋一邊享受被服務既感覺,同某類韓國燒肉店有異曲同工之妙。

磯燒會先從貝類燒起,味道由淡至濃,又海鮮亦會配搭調製醬汁作調味,
另外餐廳仲提供左海鮮醬、柚子醬同味噌醬,任自己喜好選擇。

紐西蘭活蟶子皇,肉質肥美爽口,唔配任何醬汁依然食得出鮮甜味。

桂花蚌,大隻又煙韌,而且食落去好有嚼勁,鮮味不俗。

帆立貝,店員會分開一小塊黎燒,燒既時間比較長,
而味道相當鮮甜,加上貝殼上既海鮮湯汁,鮮口好食!

磯燒過一番後就到釜飯上菜,嗌左個燒鵝肝牛小排釜飯
鵝肝外層有輕微炸過,食落去有少少肉汁及鹹香味,
而牛小排切至小塊,可加上紫菜調味,飯量偏多,
仲可以加上茶,當茶漬飯咁食都得~

整體黎講,日本料理有不錯水準,店員既磯燒功力唔錯,
火喉岩岩好,令海鮮留住鮮味,而壽司既魚類方面都唔會有腥味,釜飯頗特別。


岩鹽日本料理
電話:3622 3998
地址:銅鑼灣波斯富街99號利舞臺廣場16樓A舖


評分詳情可按以下OpenRice連結喔!
以上全屬個人分享


| 品牌合作 | 出席活動 | 產品試用 | 
email : noshan2009@gmail.com