＊＊2016 Halloween Tea Set！鬼同你high tea @DK Cuppa Tea＊＊
又係一年一度扮鬼扮馬既節日喇！
成日見到You Tube有好多唔同種類既Halloween化妝片，
自己都好想化埋一份！不過先唔講「扮野」，
襯住節日點可以少得節日限定既食物呢？
▲Halloween既糖果對我黎講已經唔夠，估唔到Halloween都會出tea set，中意high tea既大家有福喇！今個萬聖節一於同哇鬼們一齊high tea～
▲其實依間DK Cuppa Tea既tea set已經出晒名精緻同好食！今次都係第一次黎食tea，
勢估唔到會出Halloween Tea Set，入到去已經見到唔少應節擺設，
店員已經化身哇鬼們迎接我地，睇黎今次係走唔甩喇@0@
▲依個Halloween Tea Set充滿鬼怪成份，件件都睇得又食得，
而且仲有Tea Set必備既macaroon，外形仲係南瓜臉同蜘蛛！趣怪可愛～
而且仲有Tea Set必備既macaroon，外形仲係南瓜臉同蜘蛛！趣怪可愛～
▲首先黎個南瓜湯配大蝦，小小既酒杯份量已經夠晒入味，
大蝦肉質彈牙，味道頗甜，而南瓜湯個質感較澀，南瓜味好濃，香甜醒胃。
▲然後店員就行埋黎問我地「trick or treat」，我緊係即刻醒粒糖比佢喇！
但佢又叫我打開睇下，我毫無心理準備下打開，哇！(真係叫左出黎)
▲原來糖果入面並唔係糖咁簡單，原來係芝士丸、魚腐丸等等，真係好驚喜~
▲再黎就係迷迭香牛角包配煙三文魚，佢個牛角包可以話係我食過最好食既牛角包！
牛角包源至法國，就算齋食都完全唔dry，外層微脆而內裡鬆軟，迷迭香佈滿成個口腔，
非常香口同鬆軟！食上去唔會跌麵包碎。中間既切口位可以夾煙三文魚，不過我覺得就咁食更好味～
▲Halloween緊係唔少得血淋淋眼球既特別裝飾，但其實一樣可以食嫁@_@
外形做得好細緻，眼球係黑朱古力。而下層就係朱古力鬆餅，眼球甘甜回香，而鬆餅味道中規中矩。
外形做得好細緻，眼球係黑朱古力。而下層就係朱古力鬆餅，眼球甘甜回香，而鬆餅味道中規中矩。
▲然後就黎自掘墳墓！？呀！唔係，係盜墓xd
盜墓牛肉批份量驚人，兩人share都好飽肚，而且味道好出色。
依個墳墓仲可以加上茄汁，提高tea set既驚嚇程度，血呀!!!
批既外層較硬，但掘出黎既餡料真係一級棒！
▲牛肉餡料非常豐富，真材實料唔會只得幾舊，而牛肉濃澀香口，
係牛柳而非牛肉粒，而且批內既醬汁非常入味，成個批既夾又好食。
▲仲有緊係唔少得充滿邪惡笑容既南瓜，呢粒南瓜其實係白松露朱古力，
朱古力甜而不膩，帶淡淡既白松露香。而底下仲有粒芝麻黑糖麻糬，
口感好煙韌，芝麻味濃郁，食落去比較濟。
▲法式燉蛋上面點解有枝籤既呢？
原來依個Tea set仲有一個求籤小遊戲，當我求到一個號碼就會對應番籤既內容，
結合埋精油既功效黎解籤，不過見到枝籤係上面，都會諗究竟食唔食得既呢？
▲哇！店員係我面前表演一個火化儀式，將枝籤燒溶之後，原來真身係焦糖。
法式燉蛋+焦糖，咁先係一對，真係估都估佢唔到XDD
而味道方面亦都唔錯，燉蛋質感幾滑溜，焦糖令燉蛋既味道更香口。
▲最後就係tea set特配既蝶豆花，天使翼既玻璃杯顯得今次逃離DK Cuppa Tea仲有一絲希望，
飲上去冇咩特別既味道，感覺奇怪。
▲然後店員叫我加上依枝特製枝筒形"毒藥"，杯蝶豆花開始進行化學作用！
▲神奇事情發生了，由原本黑實實既顏色變左紫紅色！(吳若希mode)點解咁既？點解既？
想知就自己去體驗下喇XD 今次high Tea可以話係我食過最有特色最應節同最好味而且最飽既tea set~
DK Halloween Special Party
日期: 22 ,29 ,30 of Oct
時間: 6:30pm
以上三日，於上環店會有特別節目，尋寶遊戲活動！更有豐富遊戲禮物及最佳服裝奬！
另外，Party相片upload上Facebook 、 instagram等，最多人like也有奬！座位有限！
定位電話： 2386 3588
DK Cuppa Tea
地址：上環新街市街19號地舖 | 中環蘇豪士丹頓街16A地下
電話：2386 3588 | 2771 2847
評分詳情可按以下OpenRice連結喔!
email: noshan2009@gmail.com
