Translate

**PP港飲港食:甜食藝術全過程 @ATUM Desserant**

星期三, 6月 01, 2016 0 Comments A+ a-

依家既甜品已經愈整愈靚,個個都搶住潮聖影相po上網,
不過依家除左甜品本身既外形之外,仲可以用佢地黎畫一幅畫,
打造全新既甜食藝術,中意甜品同影相既大家一定會大讚!
ATUM Desserant已經見過唔少朋友po相打卡,我今次都去埋一份喇!

環境唔算好大,但勝在有空間感,唔同覺得壓迫,座位係枱吧形式,
而中間就係甜品師傅既天地,佢地會為你畫出一幅幅食得既畫像。
另外都會有卡位提供等侯,佈置簡約得黎有風格,周圍都掛起幾幅抽象畫

同chicken岩岩坐低,店員已經放左兩枝番石榴汁,等我地清清喉嚨,
飲落去甜中帶微酸,味道好清香,洗淨個味覺就開始重頭戲!
就係meau上既Improvisation,包埋兩杯飲品,而且可以自選風格同底色,
我同chicken都毫無頭緒,就比甜品師傅自由發揮xdd 仲可以係幅畫到加字,
令自己都可以參與其中!

過程中,甜品師傅每一步都令我地覺得好神奇,一筆一劃再掃開,已經出現左唔同既畫面。

簡單既點線面,已經打造好多可能性,真係好佩服佢地咁有創意xd

做好初步構圖就開始放置材料,就姐係我地既主菜xdd
材料都好多好豐富,有多款口味令你唔會覺得悶

而我地既主菜就放置左係左右四角,字樣就寫左係上方,
中間當然要留比要隆重出場既主角!

就係即製既液態氮化分子雪糕喇,現場仲會飄出好多煙霧出黎,非常吸睛!
我地慢慢見證住由一盆唔起眼既水,變做凝結左既雪糕塊~

我地對眼完全離唔開幅畫,由原本既空白一片慢慢繪簑成一幅藝術畫像,
你話點捨得食呢?哈哈,咁就唯有相機食先,作品完成後,甜品師亦好樂意幫我地影相~

先講一下甜品材料喇,包括有柑桔啫喱、熱情果辣椒奶凍、抹茶味麻糬、朱古力奶凍、
黑朱古力脆片、 香蕉鮮忌廉、焦糖脆脆等等,材料醬料都多到數唔晒,你以為一幅甜品畫會唔夠飽?
咁你就錯喇!係絕對夠飽,加埋飲品仲會有突XDD
味道又如何呢?當然要賣下關子,自己黎試喇XP

喂喂仲有主角呀,雪糕有兩種味,包括係竹炭朱古力同西柚雪芭,竹炭朱古力完全係我杯茶,
香濃既可可味而且唔會太甜,又冇黑朱古力果種苦澀味,口感雖然係碎塊但入口即溶,
而西柚雪芭對我地黎講都覺得太酸,酸中帶左苦澀味,溶化時候特別明顯。

Insomnia,最後緊係唔少得餐飲,其實姐係蜜糖牛奶,口感奶滑,飲落唔會太甜,
加上簡單既蜜糖拉花,簡潔又帶幾分純潔,奶味中帶啲甜甜的,唔錯~


*餐廳評分*
味道:★★★
環境:★★★★
服務:★★★★
衛生:★★★
抵食:★★★


ATUM Desserant
地址:銅鑼灣駱克道459-461號The L. Square 16樓
電話:2956 1411


評分詳情可按以下OpenRice連結喔!

email: puishan123456@yahoo.com.hk


以上全屬個人分享